LEGAZPI CITY – Kinumpirmar kan Municipal Treasurer Office (MTO) kan Tiwi, Albay na may pigtataong discount rates para duman sa mga amay na magbayad kan saindang real property tax.
Segun sa nasambit na opisina, pwedesir ma-avail an 20% discount sa advance payment para sa bilog na calendar year 2024 hasta sa Disyembre 29 ngunyan na taon sana .
Mantang, 10% discount rate man an itatao duman sa mga ma-prompt payment o amay na pagbayad para sa enot na tulong bulan kan 2024 o puon Enero hasta Marso.
Mientrastanto, an makaka-avail sana kan mga discounts, iyo an mga wara nin delinquencies.
Asin 2% penalty rate man kada bulan an ipapautob sag gabos na delinquent asin presenteng real property units pagkatapos an saindang lapse sa pagbayad sa itinalaang panahon.
