Pilas sa nagkalain-lain nga parte kang lawas ang naagom kang apat ka mga manugbaligya nga babayi matapos nga madalasa kang nagaharurot nga motor, ginaburubanta las-9:45 sa gabii, Hunyo 22 sa Brgy. Bia-an, Hamtic.
Ginkilala ang mga biktima kanday Rosalinda Jorge,Merlinda Salvador, Ma. Paz Balensoy, kag Ella Dagayan nga lunsay mga residente kang nasambit nga lugar samtang, ang suspek naman amo si Arnold Nociete residente kang Brgy. Cabladan, Sibalom.
Sa impormasyon ,gindalasa kang nagaharurot nga motor nga ginapasuni wara kang sulo kag sa impluwensya kang makuhurubog nga irimnon ang driver kadya nga naghalin sa banwa kang Hamtic kag pauli ron kun daad sa banwa kang Sibalom ang apat ka babayi nga rugyan sa kilid kang karsada.
Sa kadya, padayon nga ginabulong sa Angel Salazar Memorial General Hospital (ASMGH) ang mga biktima.
