PADAYONG nanawagan ang health authorities sa GenSan sa mga unvaccinated nga magpabakuna na batok sa Covid-19. Kini dungan sa nagpadayong 3 –day regional vaccination program gikan atong Lunes hangtud karong adlawa Enero 26 alang sa unang round.
Matud ni Dr. Rochelle Oco, City Health Officer nga base sa datus nakita ang kaapektibo sa bakuna. Tungod luyo sa pagsaka sa kaso sa virus pabiling ubos ang hospital occupancy rate sa dakbayan.
Asa sagad nga natakboyan sa virus ang nakasinati og mild symptoms ug daghan usab ang asymptomatic. Ang GenSan ang nakarekord og naa sa 353,285 o 75.82% sa 465,938 eligible target population. Nakatala usab og 2,091 average daily doses ang GenSan ug naa sa 32,901 katao na ang nakadawat sa booster dose.
Sa karon naa sa 784 ang active case sa GenSan human nadugang ang 156 bag-ong confirmed new Covid-19 cases. I Richel Gubalani
