Dead on arrival sa Bailan District Hospital ang 33-anyos nga lalaki matapos ginpaarakan luthang sang iya bayaw sa Brgy. East Villa Flores, Maayon, Capiz pasado alas 8:00 kagab-i sang Lunes, Enero 22.
Ginkilala ang biktima kay Mark Dordas samtang ang ginatudlo suspek amo si Jonel Carillo, 34-anyos, negosyante kag lunsay mga residente sang nasambit nga lugar.
Sandig sa imbestigasyon sang Maayon Municipal Police Station, ginlampusan sang biktima sang matig-a nga bagay ang iya utod nga babayi nga asawa naman sang suspek.
Nakit-an sang suspek ang natabo, rason nga nagkuha ini sang armas-luthang kag ginpaarakan ang biktima.
Nag-angkon sang madamo nga pilas sa lawas ang biktima nga gintunaan sang iya kamatayon.
Madasig naman nga nagpalagyo ang suspek matapos ang nakumiter nga krimen.
Nahibaluan nga may yara sang deperesnya sa paminsaron ang biktima kun sa diin ini man anay ang ginatudlo suspek sa pagpatay sa iya amay.
Sa karon, padayon ang imbestigasyon kag hot pursuit operation sang kapulisan agud madakpan ang suspek. | Judy Ann Juare
