LEGAZPI CITY – Mapaparekas na an proseso sa pagkua asin pag-renew nin business permit asin licenses sa syudad nin Legazpi.
Pinautob na kaya an electronics business one-stop shop kan Business Permits and Licensing Office (BPLO) sa nasambit na syudad.
Segun kay Siony Calleja, namamayo kan nasambit na opisina, ini nganing magin smooth an dalagan sa pagproseso kan mga dokumento sa pagkuwa asin pag-renew.
Dae na suboot kaipohan kan mga negosyante na magpasiring pa sa manlain-lain na opisina kan gobyerno tanganing magsumiter ki mga dokumento asin magbayad para sa business permit.
Inter-connected su boot ini sa system, kun sain boot sabihon, naka-link an kada opisina siring kan Treasurer’s office, OCENR, Engineering, Health, Zooning asin iba pa.
Sinabi pa kaini, nakapalaog sa Ease of Doing Business Act na kada lokal na gobyerno igwa nin electronic business one-stop shop.
Apwera pa kaini, igwa pa man giraray sindang pig-oopresir para sa walk-in applicants, schedule sa barangay asin pagbubugtak nin business one-stop shop sa malls.
