-Reymund Titong
KABANKALAN CITY, Negros Occidental — Ginkakas sang Department of Social Welfare and Development (DSWD) ang 3,282 ka mga pensioners sa idalum sang social pension program sang ahensya.
DSWD 6 regional director Carmelito Nochete, ang pagkakas sang mga pensioners ang bangud sa nadiskubrihan sang ahensya nga ang mga ini ang nagabaton sang mga pension gikan sa Social Security System (SSS), Government Service Insurance System (GSIS), may ginabaton nga honorarium ukon sweldo, ginasuportahan sang mga pamilya, kag ang iban ang nagtaliwan na ukon nag-saylo na sa iban nga lugar.
Dugang pa ni Nochete, ila gina prioritized ang mga senior citizens nga wala sang pamilya nga makaya suportahan ang ila kihanglanon, kag wala sang may ginabaton nga pension sa SSS, GSIS, kag iban pa nga ahensya.
Samtang, ang pagsulondan sa pagpanagtag sang social pension ang nabalhag sa Memurandum Circular 06 series of 2024, ukon ang Enhanced Omnibus Guidelines in the Program Implementation of the Social Pension for Indigent Senior Citizen.*
