Ipinamahagi sa 170 Farmers’ Cooperatives and Associations o FCAs ang nasa mahigit 300 milyong piso na halaga ng iba’t-ibang makinarya sa lalawigan ng Isabela.
Sa panayam ng 92.9 Brigada News FM Cauayan kay DA Region 2 Regional Director Narciso Edillo, ito ay sa ilalim ng Rice Competitiveness Enhancement Fund (RCEF) alinsunod sa Rice Tarrification Law o RTL.
Aniya, nasa ikatlong taon na ito ng pamamahagi simula noong 2019 hanggang 2024.
Layunin nito aniyang mapababa ang harvesting cost at mapataas naman ang kita ng mga magsasaka ng palay.
Sinabi pa ni RD Edillo na dumaan sa masusing assessment at compliance ng requirements ang mga FCA.
Kailangan aniya na registered ang mga ito at accredited sa DA para makasali sa naturang proyekto.
Inihayag din nito na patuloy nilang minomonitor ang mga ipinamamahaging makinarya upang maatiyak ang maintenance ng mga ito.
