Nakit-an eon ru tatlo sa walo ka gin-report missing sa kadagatan nga sakop it Roxas City, Capiz ku Setyembre 7.
Sa report, nakilaea ru mga nakit-an nga sanday Romeo Bataican, 35-anyos; Roda Morcilla, 35-anyos; ag14-anyos nga ungang babaye.
Samtang, naga pabilin nga missing ru lima pa nga mga kaibahan tanan mga menor-de-edad nga eaeaki.
Suno kay Station Commander Jose Luviz Mercurio it Philippine Coast Guard – Capiz, kahapon, Setyembre 9, kat may nabaton sanda nga report nga may tatlo ka mga na rescue sa sangka barangay sa Masbate.
Base sa pagpangusisa it Coast Guard Capiz, gina bana-bana nga 2 kilometros pa eamang ru gin eayag it sakayang pandagat, nasub-eang eon nanda ru mabahoe nga baeod.
Naga padayon pa makaron ru saerch and rescue operation it mga otoridad.//MARIVIC Y. ILIN
