DAKPAN sa otoridad ang tattoo artist, dicer ug usa pa ka indibidwal atol sa gikasang Drug Buy-bust Operation Sabado sa gabii sa Vinson st., Corner Cabaguio, Brgy. Paciano Bangoy, ning syudad.
Ang mga dinakpan nailang sila Vincent Landasan Silagan alias “Vince”, 33, gravel dicer ug residente sa Rose st., Brgy. Ubalde , Richie Von Supa Salapa, 31, ug Rafie Supa Salapa, 33, Tattoo Artist nga susamang nanimuyo sa Mitsui Busan, Brgy. 19-B ning syudad sa Davao.
Nakuha gikan sa mga dinakpan ang kapin kon kulang 1 ka gramo nga dunay MOL Php 10,000.00.
Gipaslak na sa prisohan sa Bajada Police Station samtang kalapasan sa RA 9165 kon Comprehensive Dangerous Drugs Act of 2002 ang atubangon sa mga dinakpan.
