Nagpa-ilarom ha swine production training an tulo (3) nga grupo han mga parag-uma tikang ha Samar, Eastern Samar, ngan Northern Samar, ine para han Adaptation and Mitigation in Agriculture (AMIA) Program han Department of Agriculture.
Gindumara han DA-RFO 8 an nasabi nga training agud ma-aghat iton mga parag-uma nga mapauswag an ira kahibaro ngan abilidad han swine management.
Dugang pa nga panuyo han aktibidad in pag introduce hin mga pamaagi ha paglikay hin mga sakit para mapauswag an kabug-osan nga kahimsog han mga baboy ngan pag- improve hin mga buhat para makabulig ha pagminimal han epekto han environmental impact han swine production.
An kalamposan han aktibidad tungod han aktibo nga pag partisipar han mga parag-uma nga nag-atender ngan ha suporta han Local Government Unit pinaagi han Barangay Council ngan han Municipal Agriculture Office.// Brigada Intern Krista Sophia Getigan
