Isinawalat ng Presidential Anti-Organized Crime Commission na may 5 hanggang 6 na pasaporte sa ibang bansa sina Huang Zhiyang, Zhang Jie at Wu Duanren.
Ang tatlong Chinese national na ito ang itinuturing na mga big boss ng Lucky South 99 at Porac hub sa Bamban Tarlac na naging kasosyo ni Alice Guo.
Kabilang sa mga lugar na may pasaporte ang tatlo ay ang mga bansang Saint Kitts and Dominica, Cambodia, China at Taiwan.
Ayon sa PAOCC, ang mga ito rin ang nagsilbing protektor ni Guo habang nagtatago siya sa ibang bansa.
