Nanumpa na ang nasa 225 na successful PNP applicants ng Police Regional Office No. 2 sa 1st cycle ng Calendar Year 2021 Attrition Recruitment Program sa PRO2 Grandstand.
Ipinaalala naman ni Police Brigadier General Steve Ludan, Regional Director ang panatilihin ang kanilang integridad sa pagsisilbi.
Binigyang diin din nito ang kahalagahan ng pagiging morally upright sa pagtupad ng kanilang tungkulin bilang pulis.
Nasa kabuoang 1498 ang nag-apply sa Online Recruitment Application System (ORAS) kung saan isinailalim sa screening sa limang stages ng recruitment process gaya ng Body Mass Index (BMI) Test, Physical Agility Test, Neuro-Psychiatric Examination, Medical, Dental and Physical Examination at Final Interview.
Mula sa naturang bilang 227 lamang ang naibilang sa final list at nagpositibo naman sa COVID-19 ang dalawa sa kanila.
Photo/ PRO2
