Naging makahueogan ro ginpatigayun nga selebrasyon it 2024 Women’s Day it Aklan Provincial Government kahapon, Marso 8 sa Aklan Trade Hall Building, Kalibo, Aklan.
Nagpaabot man it mensahe si Governor Jose Enrique ‘Joen’ Miraflores pinaagi kay Provincial Social Welfare and Development Office head Ms. Evangelina F. Gallega kung siin, padayun ro pagpabaskug it provincial government sa pagsulong it Kinamatarung it mga kababaihan.
Ginpatigayun man ro Feature of the 2024 National Women’s Month, samtang ginpresenta man it PNP – Aklan ro report it 2023 VAWC Cases.
Naging bisita sa selebrasyon si Atty. Marienne M. Ibadlit, Gender and Development Director – Integrated Bar of the Philippines. // ANN DESLENE SALAZAR
