Naging madinaeag on ro selebrasyon it Provincial Children’s Month 2023, kamana man ro Local State of the Children’s Report ni Governor Jose Enrique ‘Joen’ Miraflores nga ginpatigayun makarun nga adlaw.
Sentro it nasambit nga aktibidad ro paghayag ni Gov. Miraflores sa mga naabot nga kadaeag-an it provincial government sa pagserbisyo sa mga unga nga Aklanon ag sa mga ginaplano pa it anang administrasyon.
Nagpatigayun man it Awarding Ceremony bilang pagkilaea sa mga LGUs Municipal Council for the Protection of Children, Provincial Inter-agency Monitoring Team, ag iba pang kapartner it provincial government sa pagsulong it proteksyon it mga unga. // ANN DESLENE SALAZAR
