Ro probinsya it Iloilo, Antique ag Negros Occidental ro mga lugar nga pagataw an it prayoridad it Philippine Plan of Action for Nutrition (PPAN) for 2023-2028 sa Western Visayas.
Raya hay bangud sa mataas nga kaso it mga stunted o putot nga unga nga may edad zero to 59 months sa mabahoe nga parte it andang populasyon nga nabubuhi sa idaeum it food poverty threshold.
Base sa pamunuan it National Nutrition Council (NNC) Region 6, pagataw-an it prayoridad ro nasambit nga mga probinsya bangud sa kapigaduhon ag gutom, eakip eon ro mataas nga kaso it malnutrisyon.
Ku 2022, ro Antique hay may stunting prevalence it 9.83 percent, Negros Occidental 7.34 percent, ag Iloilo nga may 5.37 percent.
Kaeakip sa PPAN 2023-2028 ro pagpabaskug sa maternal health service packages, pag promote ag pagsuporta sa breastfeeding, ag pagtao it atensyon sa first 1,000 days it unga. // ANN DESLENE SALAZAR
