Na-rescue ro kapin sa 172 nga pasahero matapos makaangkon it mechanical failure ro andang ginasakyan nga fast craft samtang naga biyahe paagto it Iloilo City kahapon.
Nasayuran nga halin sa Bacolod ro nasambit nga fast craft ag owa it nakitang mechanical issue sa nasambit nga sakayang pandagat bago raya bumiyahe.
Gulpi eon lang segun nga nagpundo sa tunga it eawod ro nasambit nga fast craft.
Samtang, owa it nailistang naninahan pero may pilang pasahero nga nakaeksperiensya it minor sea sickness.
Padayun man ro imbestigasyun it mga otoridad sa gintunaan it mechanical failure it nasambit nga fast craft. // ANN DESLENE SALAZAR
