Sa makarun hay naga abot eon sa 201.2MW ro kabilugan nga power nga ginasuplay it mga power plants sa Panay ag dugang nga 38.4MW halin sa nagkasari-sari nga planta sa Visayas.
Naga abot eonman sa 233.6MW ro served loads sa kabilugan.
Base sa NGCP, ro grid nga andang transmission line sa Panay hay nagakinahangean it 300MW para maging estable raya agud padayun ro serbisyo.
Naga hueat sa makarun ro NGCP nga ma-energize ro nabilin nga power plant it PCPC (Palm Concepcion Power Corp.) para ma-synchronize ro 135MW pabalik sa grid.
Ro NGCP hay haum sa pag- transmit it power kung raya hay available eon.
Haum eonman ro pasilidad it AKELCO sa pagbatun it power para maka-distribute sa mga lugar nga sakup it prangkisa. // ANN DESLENE SALAZAR
