Dugang nga 20 ka Rice Retailers sa Roxas City ang nakabaton sang Cash Assistance nagikan sa Department of Trade and Industry kag Department of Social Welfare and Development (DSWD).
Ini nga ayuda ang ginhatag sa mga magagmay nga manugbugas nga nagsunod sa Rice Price Cap ukon price ceiling nga ginpatuman ni Pres. Ferdinand Bongbong Marcos Jr., agud indi man sila mapyerde sa negosyo.
Nagrepresentar kay Mayor Ronnie Dadivas sa distribusyon si City Councilor Herbert Koks Chu.
Ang ayuda gintugyan sa presensya nanday Emily Bacaoco, Regional Monitoring and Evaluation Officer, DSWD Regional Office 6, Ailyn Zerrudo Provincial Coordinator Sustainable Livelihood Program, DSWD kag DTI Capiz Provincial Director Ken Queenie Cunada.
