Nakatanggap ng tig-dalawa na alagaing biik mula sa Department of Agriculture ang dalawampung backyard hog raisers sa Morong, Bataan.
Ito ay para alalayan ang mga hog raiser sa bayan na makabangon sa epekto ng African Swine Fever o ASF.
Ang mga biik ay pinamahagi ng Provincial Veterinary Office noong October 26 bilang
bahagi ng Integrated National Swine Production Initiatives for Recovery And Expansion ng National Livestock Program.
Bukod sa natanggap na tig-dalawang biik nito ay tumanggap din ang mga benipisyaryo ng feeds, antibiotics, pamurga, at bitamina na gagamitin sa pagpapalaki sa mga biik.//Jeff Valdez-BNFM OLONGAPO
