Aksidenting nabangga it ambulansya ru naka park nga Toyota Avanza nga saeakyan sa prente mismo it Dr. Rafael S. Tombukon Memorial Hospital.
Sa imbistigasyon, nakilaea ru tag-ana it saeakyan nga si Jesica Lao, 25 anyos it Roxas Ave., Kalibo, Aklan.
Samtang, nakilaea man ru driver it ambulansiya nga si Reynaldo Candelario, 53 anyos ag residente it Brgy. Caticlan, Malay, Aklan.
Natabo ru insidente samtang naga buoe konta it mga gamit sa sueod it saeakyan si Lao para sa sangka pasyente sa nasambit nga hospital samtang naga paeapit sa sueod ru ambulansiya.
Sa gulping pagka bangga it ambulansya sa saeakyan, nasamad ru waeang parte it bumper.
Dahil kara, nag pangayo it pag pasaylo ru driver it ambulansya ag nag promesa nga paga bayaran lang ru nasamad nga bumper.
Nasayuran nga service vehicle it Caticlan sa Malay ru naka bangga nga ambulansya.//MARIVIC Y. ILIN
