Naninahan ro daywa ka katapo it 12th Infantry Battalion Philippine Army sa natabo nga engkwentro kontra sa ginasugid nga miyembro it New People’s Army sa Brgy. Sia, Tapaz, Capiz kaina it agahun.
Base sa pamunuan it 3rd Infantry Division, nakabatun sanda it mga impormasyon nga may presensya it CPP-NPA sa lugar rasun nga anda rayang gin-agtunan.
Igto ag nagkasagupa ro mga militar ag kapin sa 10 ka rebelde.
Naninahan ro daywa ka suldado pero sa mayad eon nga kondisyon makarun, samtang posible man nga naninahan o may namatay sa mga NPA bangud nag eapta ro maabung dugo sa lugar.
Nakarekober man sa encounter site ro mga militar it pilang mga kagamitan it mga rebelde.
Sa pihak nga parte, nagapadayun man ro follow-up operation it mga militar sa natabo nga insidente. / ANN DESLENE SALAZAR
