Kasalukuyang nagpapagaling sa ospital ang dalawang riders makaraang magsalpukan hapon noong Pasko sa Purok 1, Brgy Aroroy sa bayan ng Juban, Sorsogon.
Kinilala ang mga biktima na sina Jeffrey Yosores, 28-anyos naninirahan sa Brgy Añog at Stan Gomez, 51-anyos, residente ng Brgy North Poblacion ng parehong bayan.
Sa ulat na natanggap ng Brigada News mula sa Juban MPS, head on collision ang nangyari at pareho umanong may pagkakamali ang dalawang riders dahil parehong napakabilis ng takbo ng mga ito.
Isinugod sa Sordoc Hospital si Yosores habang si Gomez ay inilipat sa BRTTH sa Albay.
Wala pang update ang Pulisya sa kung ano na ang kalagayan ng dalawang biktima habang nasa ospital.
