Duha ka pulis ang patay human gi-harrass sa rebeldeng New People’s Army (NPA) ang farm nga gipanag-iyahan sa kanhi City Director sa Butuan City Police Office (BCPO) diha sa Sitio Tagulaje, Brgy. Antongalon, Butuan City kaganihang buntag.
Ang namatay mao sila Police Executive Master Sergeant Sherwin Roy Cajutol ug Police Corporal Koki Libot.
Sumala ni Democrito Pepito, residente sa maong lugar, kalit lang gisulod sa di mo ubos 10 ka mga armadong lalaki ug babae ang maong farm sa mga manok panabong diin adtong tungora, nagpahigayon sa pag-grass cutter ang mga biktima.
Wala kabantay ang mga biktima hinungdan nga gipanggapos ang duha adiser gi-ulo ug gidughan pagpusil resulta sa hinanali niining kamatayon.
Samtang, gipahapa ang pipila ka mga sibilyan nga nagpalibot sa maong lugar.
Paspas nanibat ang mga responsable ngadto sa wala matinong direksyon.
