Nagbangutan karon ang pamilya sa usa ka retired police officer human kini giluthang patay sa wala mailang gunman samtang kini anaa sa iyang Punong sa Bincungan, Tagum City kagahapon sa buntag.
Sa report gikan sa Tagum City Police Station, giila ang biktima nga usa ka Retired SPO4 Rolly Sabitsana nga nibisita sa Punong kagahapon sa buntag dihang naghulat na kaniya ang kriminal sa lugar.
Nigawas sa imbistigasyon, gikan sa nahimutangan sa biktima giingong nakaposisyon og 200 metros ang gilay-on sa gunman nga nigamit og sniper nga matang sa armas.
Naantimano dayon ang biktima nga gidai pagdala sa Medical Mission Hospital apan gideklara gihapong dead on arrival.
Padayon ang ginahimong imbistigasyon sa kapulisan aron mahatagan og hustisya ang pagkamatay sa retired police officer nga kaduha ka higayon na gisulayan og ambush apan naka-survive niadtong mga panahona. BNFM-DAVAO
