Padayon gihapong giila sa San Pedro Police Station ang suspek nga nagpusil sa usa ka egg vendor dinha sa Magallanes St ning syudad sa Davao pasado alas kwatro kagahapon sa hapon.
Una niini sweteng wala maigo sa bala ang egg vendor nga si Nicacio Reputana, 44 anyos human siya gipusil sa iyang kustomer nga iyang gipaningil sa gikaong itlog.
Sumala pa nga gikapungot sa wala mailang suspek ang pagpaningil ni Reputana nga kalit mibunlot sa iyang wala matinong kalibre sa armas og gipusil ang biktima nga swerteng nakalikay apan nadamay ang Chevrolet Pick-up sa usa ka Obet Morada.
Ang suspek base sa paghulagway sa biktima nakasuot og yellow nga tshirt, naka kalo ug pula ug nakapantalon nga daing midagan padulong sa Bankerohan area. BNFM-DAVAO
