Nagbanggaan ru 2 motorsiklo ag sinalpok man ru naga paeapit nga tricycle sa karsadahon it Brgy. Rosaio, Malinao, Aklan kahapon.
Sa imbistigasyon it Malinao MPS, nakilaea ru mga driver it motrosiklo nga sanday Daniel Progoso, sa legal nga edad ag Aljon Fernando, tanan mga taga-Brgy. Bulabod, Malinao.
Samtang, nakilaea man ru driver it nasunggaban nga tricycle nga si Nelson Openiano, 37 anyos it Brgy. Rosario, Malinao.
Nag-angkon it lastro sa parte it kaeawasan ru 2 ka mga driver it motorsiklo matapos mag overtake ru gina maneho nga motrosiklo ni Daniel Progoso sa motorsiklo nga gina maneho man ni Aljon Fernando.
Ikara, aksidenting sinunggaban ru naga paeapit nga tricycle nga gina maneho ni Nelson Openiano rason nga sumalpok sa lugar.
Naka angkon it lastro sa mga naga kasari-saring parte it kaeawasan ru mga biktima ag padayon pa nga gina bueong sa hospital.
Samtang, naga padayon man ru imbistigasyon it Malinao MPS.//MARIVIC Y. ILIN
