NABIKTIMA sa hit and run ang duha ka mga sakay sa motorsiklo sa dihang nabangaan sa Fil-Am Road, Barangay Fatima gabei sa Desyembre 7,2021.
Subay sa report sa Traffic Enforcement Unit kon TEU ang duha ka mga biktima silang Gidion Fernandez, 51- anyos taga purok 5, Fatima ug si Felix Rios Ando, 29-anyos taga Fatima, managsama nga naka-angkon og samad sa ulo ang duha human nabanggaan.
Sa imbestigasyon sa Traffic PNP sakay sa Honda RS 125 ang duha agi sa Fil-Am Road padulong sa presento 7 ang direksyon apan pag-abot atbang sa usa ka hardware gisungag sa laing sakyanan ang luyo nga bahin sa motorsiklo mao nga nalagpot sila ug natumba.
Wala maklaro sa mga biktima ang nakabangga kanila nga sakyanan ug walay testigo nga nakatug-an sa pulis, samtang gidala usab sa duol nga tambalanan ang duha ka biktima, aduna usab damyos sa motorsiklo nga ilang gisakyan. l Ver Diazon
