LEGAZPI CITY – Isinama sa kauna-unahang Presentation of Former Rebels Program sa Camalig, Albay ang dalawang (2) dating miyembro ng Communist Terrorist Group (CTG).
Ginawa ito sa Mytallic Building sa Munisipyo ng bayan kung saan layuning nitong ipakita sa mga former rebels ang hindi natitinag na suporta ng gobyerno para sa kanilang pagbabagong buhay at pag-unlad habang bilang tanda na rin ito ng pagsisimula ng iba’t ibang mga programa na idinisenyo upang ang mga sila ay matulungan.
Sa pahayag naman ni Alkalde Caloy Baldo, kanyang binigyan-diin kung gaano kaimportante ang presensya at suporta ng gobyerno lalo na sa pagsiguro na magkaroon sila ng hanapbuhay na kayang umalalay sa pangaraw-araw at kanya namang sinabi na kung may kailangan ay lumapit lamang sa LGU.
Samantala, kasabay nito ay isinurrender din ng former rebels ang isang anti-personnel landmine na diretso ring itinurn-over sa Provincial Explosive Ordnance & Canine Unit para sa proper handling at disposal.
Ilan sa mga lumahok sa aktibidad ay mga tauhan ng Philippine Army, Department of the Interior & Local Government, Camalig Municipal Police Station, Albay Police Provincial Office Provincial at iba pa.
Sa ngayon, sa pamamagitang program ay sisiguruhin na ang mga matatanggap na benepisyo ng mga former rebel ay makapagbibigay sa kanila ng bagong pag-asa lalo na sa kanilang mga pamilya.
