LEGAZPI CITY – Tiklo ang dalawang binata sa isinagawang drug buy bust operation sa Purok New Road, Brgy. Banawan, Libon, Albay.
Parehong mula sa bayan ng Oas ang mga suspek na sina alyas Rudolph, 21 anyos, residente ng Brgy. Manga at alyas Kenny, 27 anyos, residente naman ng Brgy. Saban.
Ayon sa report, pinagbentahan ng mga ito ang poseur buyer ng pinaniniwalaang shab, at narekober din sa kanila ang apat pang piraso nito.
Sa ngayon, ang mga suspek ay nasa kostudiya ng Libon MPS habang inihahanda na naman ang kasong isasampa laban sakanila na paglabag sa RA 9165 o Comprehensive Dangerous Drugs Act of 2002.
