Inaasahan ng Parañaque Integrated Terminal Exchange (PITX) na aabot sa 2.4 milyong pasahero ang dadagsa sa terminal mula Oktubre 21 hanggang Nobyembre 5 para sa darating na Undas ngayong taon.
Ayon sa Corporate Affairs Officer ng PITX na si Kolyn Calbasa, maraming bus operators na ang nag-apply ng special permit mula sa LTFRB upang madagdagan ang mga biyahe, partikular na ang patungo sa mga probinsya ng Bicol, Batangas, Tuguegarao, at Baguio.
Pinaaalalahanan naman ang mga pasahero na mag-advance booking o direktang makipag-ugnayan sa mga bus terminal para masigurado ang kanilang biyahe ngayong Undas.
