LEGAZPI CITY – Sinagibo sa siyudad kan Legazpi an 1st Bicol Regional HIV and AIDS, Sexual and Reproductive Health Summit kasuhapon.
An aktibidad igwa nin temang “Empowering Communities to Lead in the HIV and AIDS Response” kun sain mawot kaining pukawon asin pagyamanon an pakikipagtabangan sa mga stakeholder, magtao nin kaaraman, mag-strategize nin mga komprehensibong diskarte nganing maresolberan asin mabawasan an epekto kan HIV and AIDS asin magkaigwa nin ideya sa sexual and reproductive health.
Nagi man ining posible huli sa Department of Health Bicol asin GM Bicol for SRHR, Inc., sa pakikipagtabangan sa Albay Provincial Health Office.
