LEGAZPI CITY – Sa pagpuon kan Disyembre ngunyan na taon, uminabot naman sa 15 manlain-laing establisimento de negosyo an temporamenteng pinasara sa banwaan kan Daraga, Albay.
Pinangenonatan ini kan Business Permit and Licensing Office (BPLO) kan nasambit na banwaan.
An mga pinasara munang mga negosyo, gikan sa mga barangay kan Salvacion, Matnog, Alcala, Kilicao, Sagpon asin Binitayan.
Mantang, kan Nobyembre 30, nasa 30 man na mga negosyo an temporamenteng pinasara na gikan sa Anislag, Maopi, Tabon-tabon asin Bascaran.
An mga negosyo kaya na ini, dai naka-comply sa kinakaipuhang rekisitos kan BPLO.
Mientrastanto, kasabay man sa operasyon an nagkapirang personahes kan PSO, GSO, PNP asin iba pang opisina.
