Mokabat ka sa kapin usa ka libo nga personahe sa Davao City Police Office (DCPO) ang nabakunahan kontra COVID-19 sukad kini gisugdan sa miaging adlaw.
Sumala kang DCPO Spokesperson Capt. Rosario Aguilar, gilaumag madugangan pa ang ihap sanglit nagpadayon pa ang vaccination drive sa multi-purpose hall sulod sa DCPO compound sa San Pedro.
Target sumala pa ang 4,118 ka mga indibidwal lakip sa maong ihap ang 2,250 pulis sa DCPO, 1,346 miyembro sa Task Force Davao, 379 ka mga pulis nga mipailawm sa Field Training Program, 87 ka Non-Uniformed Personnel, ug 56 ka personahe sa Regional Mobile Force Battalion 11.
