Arestado ng mga tauhan ng PNP – Anti-Cybercrime Group ang nasa 19 na indibidwal kabilang na ang 2 vlogger na sangkot sa Vishing o Voice Phising at Scamming activities.
Ayon kay PNP-ACG Director, MGen. Ronnie Francis Cariaga, ikinasa ang naturang operasyon sa Lungsod ng Imus, lalawigan ng Cavite sa bisa ng Warrant to Search, Seize and Examine Computer Data.
Katuwang ng ACG ang Bangko Sentral ng Pilipinas sa naturang operasyon.
Modus ng mga ito ang magpanggap na kinatawan ng bangko at kinukumbinsi ang mga biktima na i-update ang kanilang credit card sa pamamagitan ng pagkuha ng mahahalagang impormasyon at One-Time-Pin.
Nakumpiska sa mga suspeck ang mga SIM cardd, mobile devices, laptops, iba’t ibang bank documents, ledgers at script na siyang ginagamit ng mga ito sa panloloko.
Ang mga naaresto ay nasampahan ng kasong paglabag sa Republic Act 12010 o Anti-Financial Account Scamming Act.
Bukod pa ito sa iba pang mga kaso gaya ng paglabag sa Republic Act 8484 o ang Devices Regulation Act of 1998 at Republic Act 10173 o Data Privacy Act na may kaugnayan sa Republic Act 10175 o Cybercrime Prevention Act.
