Dakong hagit karon sa 19 ka mga barangay sa Laak Davao de Oro nga mapabalin ang Drug Cleared status human sila gideklara sa Philippine Drug Enforcement Agency-XI bag-ohay lang.
Una niini gipangunahan ang deklarasyon ni Regional Oversight Committee Barangay Drug Clearing Program chair ug PDEA-XI Regional Director Antonio RIvera, PDEA Regional Office, mga miyembro sa Department of Interior and Local Government isip Vice-Chairperson, Police Regional Office XI, Department of Health and Local Government Unit, Municipal Local Government Officer sa Laak; Barangay Officials ug BADAC Members sa 19 ka mga Drug Cleared Barangays.
Gisusi pag-ayo sa mga nahisgutan ang mga dokumento nga gisumite sa 19 ka mga aplikante nga barangay sa Laak, Davao de Oro nga gilangkuban sa Barangay Anitap, Bagong Silang, Banbanon, Bollukan, Buhi Ampawid, Doña Josefa, El Katipunan, El Papa, Inakayan, Kaligutan, Kidawa, Langtud, Macopa, Malinao, Naga, New Bethlehem, San Antonio, Sisimon ug Sto. Niño.
Gipahigayon ang aktibidad sa Laak Municipal Grounds diin nakapasar ang tanan sa gipangayo sa Dangerous Drugs Board Regulation Number 3, Series of 2017 ug PDEA Memorandum Circular Number 2020-041. BNFM-DAVAO
