CAMARINES NORTE- Aabot sa 18, 996 na mga bata sa lalawigan ng Camarines Norte o 77. 65 % ang nakapagpatala na sa elementarya at sekundarya sa ginagawang early registration ng Department of Education para sa School Year 2023-2024.
Batay sa datos ng DepEd nasa 4, 136 ang nagpatala sa Kinder habang 7, 717 naman sa Grade 1.
Umaabot naman sa 3, 624 ang total enrollment sa Grade 7 at 3, 519 sa Grade 11.
Mas marami ng bahagya ang mga babae na maagang nag-enroll na nasa 9, 565 kumpara sa mga lalaki na nasa 9, 431.
Kung maalala ay sinimulan ng DepEd ang early registration para sa incoming kindergarten, Grades 1, 7 at 11 learners sa public schools sa buong bansa para sa susunod na academic year noong May 10 na tatagal ng hanggang ngayong araw, June 9, 2023.
Ayon sa departamento importante na magpre-register o makilahok ng enrollees sa kindergarten, Grades 1, 7 at 11 sa early registration para makapaghanda ang ahensya ng mga plano para sa School Year 2023-2024.
Ikinukunsidera nang pre-registered ang incoming Grades 2, 3, 4, 5, 6, 8, 9, 10 at 12 learners mula sa public schools.
