-Reymund Titong
KABANKALAN CITY, Negros Occidental — Nag lab-ot na sa 176 ka mga anay rebelde nga may mga gina-atubang nga kaso ang nag-apply para sa amnestiya sa Local Amnesty Board (LAB) sa syudad Bacolod humalin Hulyo 8 tubtob 11.
53 ka mga anay rebelde ang nag gikan sa 79th Infantry Battalion sa northern Negros, 30 naman ang gikan sa 62nd Infantry Battalion sa central Negros kag 93 naman ang gikan sa 94th Infantry Battalion.
Pahayag ni Lieutenant Dan Carlo Samoza, Civil Military Operations officer sang 79IB kalabanan nga nag surrender sa ila ang mga miyembro sang Indigenous People’s sa northern Negros.
Madumduman nga gin permahan ni President Ferdinand Marcos, Jr. ang executive order No. 47 sang Nobyembre, nakaligad nga tuig, nga nag ubra sang National Amnesty Commission (NAC) nga may mandato sa pag proseso sang mga aplikasyon para sa amnestiya.
Sa idalum sang Proclamation No. 404, gina pahanugotan ang paghatag sang amnestiya sa mga anay rebelde nga miyembro sang Communist Party of the Philippines -New People’s Army- National Democratic Front (CPP-NPA-NDF) nga naka ubra sang mga nagkalain-lain nga krimen bangud sang ila mga politikal nga pagpati.*
