Gikumpirma ni Police Major Patrich Elma, hepe sa Makar Police Station atol sa interview kaniya sa Brigada News FM nga nagpatabang sa kapulisan ang 15-anyos nga dalagita human kining gi-rape sa pito ka tao atong Agosto 12 ala-1 sa kaadlawon sa may Sugod Apopong, Gensan.
Matud ni PMaj. Elma, sa pito ka suspetsado, tulo niini ang hamtong ang edad, tulo ang menor de edad ug ang usa padayon pang gipangita sa kapulisan.
Ang nahitabo, ang biktima nga usa ka menor de edad duna usab higala nga menor, miadto sila sa balay sa ilang higala nga usa sa mga suspek ug pagkahuman nangagda og tagay Didto sila nag-inom sa balay sa usa pud sa mga suspek ug bag-o pa nag-inom nangabot ang uban pang suspetsado.
Sa imbestigasyon sa kapulisan, dihang nahubog na ang gatagay duna matud pay gibutang nga chemical sa ilimnon sa biktima nga 15-anyos nga miresulta sa iyang pagkaluya ug pagkawala sa panimuot ug didto na kini gi amung-amongan sa pito ka suspetsado.
Sa karun nagtingkagol na sa Makar PNP ang upat ka dinakpan samtang ang duha ka menor de edad na turnover na sa Bahay Pag-asa ug ang usa padayon pang gipangita sa otoridad.
