Patay ang 14 katao dahil sa pagguho ng lupa sa isla ng Sulawesi ng Indonesia, habang tatlo pang indibidwal ang nawawala.
Ayon kay local police chief Gunardi Mundu, naguhuan ng putik ang apat na bahay dahil sa malakas na ulan.
Dose-dosenang mga sundalo, pulis at mga boluntaryo ang kasalukuyang nagtutulungan para sa paghahanap sa mga nawawala pang indibidwal.
Samantala, dalawa naman ang nailigtas kahapon ng mga rescuers, kabilang ang isang 8-anyos na babae, at agad na dinala sa malapit na ospital.
###
