Walay gikatalang biktima sa firecrackers o pabuto dinhi sa dakbayan sa Davao, apan dunay mga naimbargohan.
Sa talaan sa Davao City Police office as of 12 midnight hangtod alas-6:00 sa buntag kagahapon, Disyembre 25, 2023, walay na-ospital o casualty ug walay nadakpan nga namaligya og mga pabuto.
Apan dunay 13 ka mga lantaka ang ilang naimbargo partikular na sa area sa Bunawan Police Station nga dunay 7, ug dunay tig-3 sa Mandug Police station ug Ecoland Police Station.
Gipasalig sa kapulisan nga hangtod sa bag-ong tuig sila nga mutuyok sa syudad sa Davao aron mabantayan nga walay makalusot nga pabuto kini subay sa Ligtas Paskohan at Bagong Taon nga programa sa kapulisan.
