Misurrender ang 12 ka indibidwal nga giilang high ranking Commanders sa New People’s Army sa sabakan sa balaod pinaagi sa intel platoon sa 3IB ug 7ID atol sa gipahigayong special operation sa Sitio Minalong, Brgy Kahusayan, Kitaotao, Bukidnon.
Ang mga surenderee giila nga sila Ida Marie Montero, alyas Mandy , Renato Lubguban, alyas Jose, Lito Taluwa, alyas Lito, Enrico Caramat, alyas Marco, Rudy Saballa, alyas Egor, Lauret Tumbasay, alyas Wena, Claudia Balite, alyas, Claudia, Ana Panduma, alyas Analiza, Gerome Chucas, alyas Rob, Dioneng Mansugal, alyas Bansilan, Catalino Mansugal, alyas Wolok, Simo Mansugal, alyas Batugal.
Bitbit sa mga nahisgutan ang ilang mga firearms nga gilangkuban sa 3 ka COLT M653 M16A1 Rifle, 4 ka M16 Rifle, 1 M14 Rifle, 1 M79 Grenade rifle, 1 Caliber 54 RIA Pistol, ug 1 caliber 45 COLT pistol.
Samtang, narekober sa mga otoridad ang mga war materials nga 5 ka M16 short magazine, 36 ka M16 long magazine, 5 ka M203 ammos, One thousand twenty-eight (1028) rounds 5.56mm ammunitions, Sixty-six (66) rounds 7.62mm ammunitions, 2 ka handheld radios, 6 keypad cellphones, 12 ka blasting caps, 8 ka bandoleers, managlahing medical paraphernalia, Notebooks, documents, personal nga mga gamit, 3 kabuok nga USB, ug 2 ka memory card.
Tungod sa nasinatiang kalisod ang hinungdan nganong misurender ang mga kanhi NPAs ilabi na kulang ang suporta nga gihatag kanila ug mga sa-ad nga walay natuman.
Tungod niini, dako ang pasalamat sa mga otoridad sa tanang mitabang kanila sama sa paghatag og impormasyon kung asa nagtago-tago ang ubang walhong grupo samtang gipaniguro niini nga hatagan nila ang mga surenderees og hapsay ug maayong pamuyo kauban ang ilang pamilya. BNFM-Davao
