Gikustodiya na sa prisohan ang duha ka durugista human nga nadakpan kini atol sa gikasang drug buy bust operation sa mga personahe sa Toril Police Station sa Purok 8-B, Brgy. Los Amigos, Tugbok District, Davao City.
Ang mga dinakpan giila nga si Jerwin Hernando Bresulda, alyas “WEN”, 34 anyos, self-employed, ulitawo, ug Verndon Delequiña Villas, 42 anyos, minyo, self-employed, pulos residente sa Purok 8-B, Brgy. Los Amigos, Tugbok Dist., Davao City.
Nadakpan ang duha human nga napalitan sa posuer buyer og usa ka pakete sa gituohang shabu bugti sa 500 pesos nga buy bust money ug sa dihang gihiling kini lain pang 6 ka pakete sa shabu ang nasakmit sa ilang posisyon.
Samtang, nakumpiska sab ang usa ka unit sa cellphone nga maoy gigamit sa transaksyon, simcard ug 500 pesos buy bust money.
Gibana-banaang mutimbang sa kapin kung kulang 0.75 grams ang nakumpiskang shabu nga nagkantidad og Php 10,500.00.
Kasong pagsupak sa RA 9165 ang atubangon sa mga suspetsado. BNFM-Davao
