BICOL – PORMAL na inanunciar kan Commission on Higher Education o CHED-Bicol an doseng mga higher education institutions sa rehiyon na pigtugutan na makapagsagibo nin limited face to face classes.
Sa public announcement na naka post sa saindang official fb page, pig determinaran kan nasabing mga HEIs gikan sa man iba ibang parte kan rehiyon na naaprubaran nin aplikasyon matapos makapag comply sa mga requirements asin maisairarom sa on site inspection kan CHED.
Enot sa listahan an Naga College Foundation na tinugutan na makapagsagibo nin limited face to face para sa mga medical related programs siring kan BS Nursing, Midwifery asin Medical Technology; Bicol University sa Daraga Albay asin Bicol Christian College of Medicine sa Legazpi City para sa saindang College of Medicine asin Clerkship.
Sinundan kan Mabini Colleges-Daet para sa BS Nursing asin Midwifery; Our Lady of Lourdes College Foundation-Daet para sa kursng Nursing; Medical Technology asin Midwifery; University of Nueva Caceres-Naga City para sa BS Nursing; Ago Medical and Educational Center-Legazpi City para sa BS Medical Technology asin Midwifery asin Universidad de Sta. Isabel-Naga City para sa Nursing, Medtech asin BS Physical Therapy.
Nasa ika-siyam sa lista an Tanchuling College-Legazpi City para sa mga kursong Nursing asin Midwifery; College of Dentistry kan Ago Medical and Educational Center-Legazpi City asin BS Nursing kan Amando Cope College-Tabaco City asin Bicol University.
Paglilinaw kan CHED, bako gabos na eskwelahan an puwedeng magsagibo nin limited face-to-face classes asin bako gabos na mga programa an maioofrecir kaini.
Nakabase soboot sa pangangaipo na magpasiring sa eskwelahan an mga estudyante kun may laboratory classes asijn urog na sa kakayanan kan institusyon na maipautob an health and safety protocols kontra covid-19.
