Gikatakdang sugdan ang vaccination rollout sa mga kabatan-onang naay commorbidities nag edad 12 hangtod 17 anyos ugmang adlawa (Oktubre 29, 2021) sa nagkadaiyang ospital sa Davao Region.
Subay sa gipagulang advisory sa Department of Health (DOH) XI, sa Davao City ipahigayon ang pagpamakuna sa A3 group sa Southern Philippines Medical Center, Metro Davao Medical and Research Center, ug Seamen’s Hospital.
Gawas sa nahisgutan, magpahigayon sab og pagpamakuna sa maong age group ang Davao del Sur Provincial Hospital, Davao Regional Medical Center, Davao De Oro Provincial Hospital, ug Davao Oriental Provincial Medical Center.
Gibutyag sa DOH-XI nga ang gamitong bakuna mao ang ang Moderna ug Pfizer, nga adunay Emergency Use Authorization (EUA) alang sa A3 pediatric population sa nag-edad 12-17 anyos.
Naglaom ang DOH-XI nga daghang ginikanan kauban ang ilahang anak nga dunay commorbities ang muadto sa mga nahisgutang vaccination sites. Giawhag sab niini ang mga ginikanan nga pabakunahan ang ilahang anak aron maproteksyonan batok Covid-19.
