LEGAZPI CITY – Magkakaigwa nin 11 oras na water service interruption sa 16 na barangay sa Daraga, Albay puon 6am-5pm sa aga, kun sain kaibahan sa mga barangay na ini an Maroroy, Kilicao, Bagtang, Purok siyete kan Binitayan, Avila, Doña Cecilia, Harong Pagkamoot, porsyon kan Doña Maria, porsyon kan Brgy. Tagas, porsyon kan Brgy. Sagpon, Market Site, mga sakop kan T. Perez Street, Regidor Street, porsyon kan Magayon Drive, First Park Subdivision asin Alatco Subdivision basado sa abiso kan Prime Water Daraga.
Sa intrivista kan Brigada News FM Legazpi kay Public Safety Office Spokesperson Lorenzo Bañas, pigpagirumdoman niya an mga maapektarang residente na magtipon ki tubig antes an schedule nganing may magamit pag nawaran ki supply.
Nakatalaan man su boot na maglibot-libot sa pag-supply nin tubig an lokal na gobyerno sa pangengenot kan Bureau of Fire Protection nganing mahipnuan an pangangaipo kan mga apektadong residente.
