ABLIHAN karong adlawa ang 11 ka vaccination site sa Cagayan de Oro City atol sa ipahigayong Nationwide Senior Citizens Vaccination Day sa dakbayan nga adunay tema nga “PAGPANGGA SA MGA LOLO UG LOLA PINAAGI SA PAGBAKUNA”.
Pangunahan kini sa LGU-CDO managed vaccination sites ang SM Downtown Premier, SM City Uptown, Limketkai Mall, Robinsons Mall, City Mall Iponan, Bgry. Puerto Covered Court, West City Central School (Carmen), Brgy. Lumbia Covered Court, ug ang Brgy. Taglimao Mobile Vaccination.
Mosunod niini ang Department of Health Region-10 vaccination sites ang Centrio Ayala Mall ug Liceo de Cagayan University Main Campus.
Samtang nagpahigayon usab ang mga barangay og rekorida aron manawagan sa mga senior citizens nga magpabakuna na aron malikayan ang risgo nga mahimong moderate – severe kung mataptan sa Covid-19 sanglit sila ang pinaka-vulnerable sector sa katilingban. – END – (ARNIEL)
