MABATI gilayun ang kausaban sa unang 100 days sa paglingkod ni Brigada Elmer V.Catulpos sa higayong mahatagan og higayon sa mga katawhan sa GenSan.
Una niini mao ang libreng pagpaospital apan quality ug naay mga kahimanan nga magamit sa mga kabus, lakip paigong kwarto ug maayong pagserbisyo sa mga empleyado sa ospital ug bisan sa pribado nga maospital, adunay assistance ang mga kabus.
Ikaduha nga mapatuman mao ang edukasyon, asa dili basehan ang grado apan bisan mubo ang grado apan desididong moeskwela, himuon kining scholar ug walay pabor pabor nga mahitabo.
Ang ikatulo mao ang trabaho, nga pananglitan sa mga trisikel driver, sila ang magpadayun ug tun-an ang mga kolurum nga mahatagan og prangkisa.
Dugang ni Brigada Elmer, sa trabaho, magpahulam ang LGU tungod aduna man kini pondo alang sa mga gagmayng negosyante ug dili na palisdan pa sa mga rekisitos ug sa pagposisyon sa Gensan isip pultahan alang sa kalambuan sa mga nasud.
Samtang ang GenSan Dream may adunay long term nga plano ug sa unang 100 days, mag-isyu kini og executive order aron magmugna og GenSan Dream commission asa ang tanang approach ang naka-align sa maong dakong damgo alang sa syudad.
