Sambilog ro kumpirmadong patay ag tatlo man ro ninahyan sa natabo man nga salpukan it daywang motorsiklo sa Barangay Agta, Leon, Iloilo.
Ginkilaea ro namatay nga si Jay-ar Agnote, 23-anyos it Dorog, Leon; ninahan man ro angkas nana nga si Jerald Agnote.
Samtang, kapwa nag-angkun it nina sa eawas ro driver ag angkas it sambilog pa ka motorsiklo nga ginkilaea nga kanday alyas Arnold, 17-anyos ag Rea Cagbay.
Base sa Leon Police Station alanganin nga nag-overtake si alyas Arnold kay Jay-ar rason nga nabangga nana ro motor ag natumba.
Sumalpok sa steel railings ro motorsiklo ni Jay-ar ag uwa man it suksok it helmet ro mga biktima.
Ginsugod pa sa ospital si Jay-ar pero namatay man eagi raya bangud sa patal nga nina sa ueo ag paa.
Padayon man ro pagbuoeng sa iban nga mga biktima./JIL B. LACSON
