PATAY ang usa ka traysikad driver human nga nabanggaan sa usa ka pickup nga nawad-an og kontrol
Sa report sa Traffic Enforcement Unit kon TEU nahitabo ang bangga sa Circumferential Road alas 11 sa gabii.
Nagadagan ang pickup padulong sa Barangay Katangawan unya nawad-an og kontrol ang driver, nabangga sa kahoy unya nabalintong ang pickup mao nga napunggit ang traysikad nga nag-una.
Ang resulta patay ang driver sa sikad samtang angol ang driver sa pick-up ug nadala usab sa tambalanan.
Wala usab dayon nailhan ang driver nga namatay, gidala kini sa usa ka punerarya. I Ver Diazon
