DUNGAN sa serye sa pagsurender sa mga indibidwal nga gituohang sakop sa Communist Terrorist Group (CTG) sa rehiyon-12.
Giawhag ni Police Brig. Gen. James Gulmatico, Officer in charge sa Police Regional Office (PRO) 12 ang mga nagpabiling naa sa grupo nga mobalik na sa sabakan sa gobyerno.
Dugang ni Gulmatico, abli ang pultahan sa kapulisan alang sa mga nasangpit nga buot talikdan ang grupo ug magbag-o sa kinabuhi.
Gisiguro usab nila nga matabangan ang mga nasangpit pinaagi sa programa sa gobyerno nga makabaton og bag-ong kinabuhi.
Kahibaloan nga pipila ka mga gidudahang sakop sa CTG ang mitahan sa kapulisan sa probinsiya sa South Cotabato ug Sarangani. I Richel Gubalani
